خدمة هي بوابة إلكترونية توفر الخدمات الاساسية لاي فرد\فريق\شركة\متجر يعمل في قطاع التجارة الإلكترونية واللوجستيات مثل (المتجر الإلكتروني، صفحات تقديم الخدمات، صفحات بيع المنتجات، ادارة الطلبات، انشاء الفواتير، الربط مع وسائل الدفع، الرسائل والتبليغات، الربط مع شركات التوصيل، وغيرها من الخدمات المرتبطة بهذا القطاع).
بأختصار نخليك تستلم فلوسك مقدم (كامل او عربون)، نخلصك من مشكلة الرواجع، ونسهلك تصفية الطلبات ومتابعة حالتها، ونخلصك من ملفات الأكسل.
(اضغط على الصور ادناه للتعرف على تفاصيل الخدمات)
عندك محل ؟ لو بيج اون لاين؟ لو تشتغل هاند ميد وتتعب تاليها الزبون ميدفع؟ خدمة "متجري" يمكن تكون الحل. راح نوفرلك متجر متخصص تگدر من خلاله تعرض منتجاتك وتحدد اسعارها وتَتَبع كل الطلبات الي جايتك وحالتها. وهيج زبائنك راح يكدرون يدفعون باي وسيلة دفع اون لاين تعجبهم، وفلوسك راح تستلمها حتى قبل لا تسلم الطلب!
لو جنت من الي يقدمون خدمات اون لاين، فخدمة تتدلل راح توفرلك مساحة خاصة بيك تعرض خدماتك بيها مثل متحب وبالاسعار الي انت تحددها. راح يكدرون عملائك يدفعون بأي طريقة دفع يحبوها مقدم كلي او عربون وتوصلك اتعابك بسهولة سواء جنت داخل العراق او خارجه.. وراح نوفرلك وياها لوحة تحكم تعرضلك كل طلباتهم وحالتها حتى تكدر تديرها وتتابعها بسهولة وبمكان واحد.
لو جنت صاحب محل او بيج اون لاين وتريد تسوي فواتير لزبائنك بسهولة، فخدمة كاشيرة راح تفيدك! راح تكدر تستعملها من لابتوبك، او تليفونك، او تابلتك حتى تسوي فواتيرك. وتكدر هم تربط بيهم قارئ باركود او طابعة حتى تسهلك الشغل وكل هذا وخدمة كاشيرة نقدمها الك بلاش (مجاناً).
اذا تحتاج تفتح استمارة وزبائنك يملوها الك ويكلولك شيريدون، فخدمة اوردراتي راح توفرك الحل الأمثل. حتكدر تسوي استمارات بيها المعلومات الي تريدها من الزبون بخصوص الطلب، وتتجمعلك بمكان واحد بس انت تشوفه. ومو بس هيج، حتكدر تستلم عربون قبل لتبدي الشغل، وراح تكدر تحدد حالة كل طلب شنو وشوكت تسليمه حتى تطلع لزبائنك ويتتبعون طلباتهم بدون ميسألوك.
لو جان عندك موقع او نظام الكتروني وتريد تضيفله ميزة الدفع الالكتروني بسهولة وبدون ما تحتاج مبرمجين يبنولك كل شي من الصفر. فخدمة "بَي" الك. حتكدر من خلالها تربط نظامك بكل طرق الدفع الالكتروني المدعومة في العراق. حنوفرلك لوحة تحكم تشوف بيها حساباتك. واذا عندك فريق برمجي، فنوفرلك ربط api and callbacks.
اذا الخدمة الي تقدمها تحتاج ارسال تحديثات وتبليغات الى زبائنك بكثرة او بصورة دورية، فخدمة "سند" راح توفرلك امكانية ارسال الرسائل عن طريق الرسائل النصية او حتى تطبيقات التواصل (مثل الفايبر والواتساب) سواء بصورة اوتوماتيكية او يدوية ولشخص واحد او مجموعة اشخاص انت تختارهم. كل هذا راح تكدر تسويه من خلال لوحة تحكم خاصة بيك وبمشروعك.
لو شغلك يحتاج تصدر فواتير تندفع اون لاين، فـ وية خدمة "فاتورة" تكدر تسوي فاتورات الكترونية باسم الزبون الي تحدده، يكدر يسددها باي وسيلة دفع الكتروني تعجبه او اي منفذ معتمد، وتكدر تستلم المبلغ باي وقت يعجبك. راح تنحفظ كل فاتورة سويتها وية تاريخ انشائها وتسديدها ومعلوماتها الكاملـة، حتى تكدر تعرضها بأي وقت، وية امكانية عمل تقارير وفلترة عليهن بالطريقة الي تعجبك وتضمنلك الراحة والدقة بالشغل.
تعاني من صعوبة ادارة تجهيز الطلبات بين موظفيك؟! عندك ضياع وتأخر بالطلبات وصعوبة متابعتها من خلال الواتس اب؟! وية خدمة "تجهيز" راح تكدر تنظم إدارة تجهيز الطلبات بين موظفيك من خلال لوحة تحكم مخصصة لكل موظف يظهر بيهه حالة الطلب وشكد طول يمه وهمين راح يكدر يحوله الى زميله من يخلص تجهيزه.